Em ê 11. Heftîya Rûmetê a Transan di 16-22yê Hezîranê de pêk bînin û bi meşê dawî li çalakîyan bînin. Îsal em bi babeta sembola berxwedan û lêgerîna azadîyê tên ba hev: SERHILDAN!

Lûbûnya

Em dizanin, te bes xwest tu wek xwe bî. Pêşî ji te re gotin “bihuhere”’ paşê “hiş be” herî dawî jî “bimre”. Tevî van hemîyan, himber nasnameyên li te ferzkirin te pistepista navê xwe domand. Vaye serhildana rastî. Ji ber ku serhildan ne tenê qêrîn e, carna jî bi tirs û xof lê dîsa jî berdewamkirina axiftina bi dengê xwe ye. 

De bila ewên te di qalibên guncaw de şîrîn didîtin gava ji wê derê te serê xwe derxist te redkirin, bi kirasê “sala malbatê” durûtîyên xwe pêşwaz bikin. Dilovanîya te bi xwe re, ji hemî hewldanên çewsandinê xurtir derket. Em heyranê te ne. Dewlet; ji bo ser laşên me serwer be çavkanî û sazîyên xwe terxan dike. Li himber te dewletek wisan heye ku dijminê hormona te ye. Heçku tu li laşê xwe biyan î. Heçku derbarê jiyana te ne tu, divê dezgehek biryar bide. Em ti carî di wan sînorên dixwazin laşên me heps bikin de neman, em namênin! 

Em serî himber sala malbatê radikin û jiyanên xwe diparêzin. Mînaka malbatê ku dewlet wê pîroz dihesibîne, rûyê avzêr ê pergala cîsheteroseksîst, dijminê jinê û bavsalar e. Ev pergal ji hêlekê ve ji bo berjewendîyên sermiyan û dewletê jinan neçarî welidandina karker û leşkeran dike ji hêla dî ve bi polîtîkayên reşkirina LGBTÎ+yan erka alava ehlaqê civakê pêk tîne. Dewisandina têgiha malbatê di nav qalibek cîs hetero-patrîyarkal de tê wateya tunehesibandina transan, me bêxin rewşeke nexuya û ji me standina mafên me. 


Di van rojên binçavkirin, serdegirtina malan û îşkence zêde bûne, alên me, dirûşmên me, hebûnên me hat armanc girtin, wek binas hat nîşandan. Heger hêjî hebûna me xeter, laşên me rojev û gotina me sansurkirî be de ji kerema xwe em êdî SERÎ RADIKIN. 

Di cîhaneke bi zagonên komkujîyê, qedexeyan, bombeyan, dagirkerîyan û nefretê hatî dorpêçkirin de em trans parêzvanên aşitîyê ne. Ne tenê ji bo xwe; ji bo gelên Filistîn, Kurdistan û Tirkiye jî azadî, wekhevî û aşitîyê diqêrîn. Aşitî, ne tenê bêşerî ye; edalet e, rûmet e, jiyana wekhev e. Û em serhildana xwe li lûbûnyayên girtî, kesên di hindir û derve de berxwedanê didomînin dikin diyarî. Silav li lûbûnyayên girtî ku tevî tecrîd, îşkence, sehkirina tazî, qedexeyên hevdîtinê û hemî hewldanên çavtirsandinê berxwedanê didomînin! Em ê bi berdewamî serhildana hemî girtîyên LGBTÎ+yan bigihînin kolanan. Himber zîndanan, zext, îşkence, girtîgehên mîna bîran û tecrîdê EM SERÎ RADIKIN!

 Em karkerên seksê ne ku di qadên jiyan û xebatê de mala wan tê mohrkirin û jê standin, jinên himber tundîya mêr, bav, xoşewîst têdikoşin; lezbiyen mezbiyen in, qûnde ne; lûbûnya ne ku di rejîma du zayendî de hilnayên û bi tundîya dewletê nehatine tirsandin. Em laşên xwe yên ji tundî û kedxwiriyê re hatine vekirin, bi têkoşîn û piştgiriyê ji nû ve diafirînin. Me serî himber hemî qedexeyên we rakir. Me ne kolan ne meydan berda ne jî terka şevan kir; bi dirûşm û alên xwe em ji hev re bûn henase. Mê rêyek dît ji qedexeyên çalakîyan û dorpêça polîsan em bihurîn, hûn bajar tev dorpêç bikin jî em di derzan re nizilîn. Niha tevî hemî qedexeyan wek li her derê em di zanîngehan de jî alên xwe li ba dikin. Îsal jî bi ken û dilgeşî, bi wêrekî em SERÎ RAKIN LÛBÛNYA!

Êdî nayên xwe nîşandanê, em tên hesabê ewên we nexuyayî hiştine bipirsin. Em tên bibin tirs û xofa ên me dibînin û hîletê wan ji me diçe. Nebêjib em hêj nû derdikevin van kolanan. Tenê êdî bêyî xwe bitewînin em dimeşin. 

Bêdeng nabîn, natirsîn,

serî radikîn! 

Serê xwe natewênîn, serî radikîn!

Em serî li ber malbatê, dewletê, qayim, kiryarê tundîyê, xoşewîst, karsaz, şideta mêran, qehbikfobî, transfobî, nîjadperestî, hîvfobî, neyartiya penaberan û lgbtî+fobî radikîn! 

Nayên perwerdekirin, nayên dûrxistin, serî himber hişkbawerîyê radikîn!

Serhildan jiyan e! 

Di 11. Heftîya Rûmetê a Transan li Stembolê de û di 11. Meşa Rûmetê a Transan li Stembolê de em werin ba hev. 

#serhildan